Жазықсыз қамалған ақтөбелік азамат судьяны жазалауды талап етуде

Ақтөбе қаласының тұрғыны өзін жазықсыз түрмеге отырғызғандарды жазалауды талап етуде. Тарғын Ақбаев ішкі істер органдарынан бұған дейін бір миллион теңге өндіріп алғанымен, өзін қамауға себепкер болған судья мен тергеушіні кешірмейтінін айтады. 

Судья оны «адам өлтірді» деген айыппен 7 жылға бас бостандығынан айырған еді. Кейін Ақбаев Жоғарғы сотқа дейін арызданып, екі жылдан соң ақталып шықты. Бірақ «қылмыскер» деп үкім кесілген соң Тарғыннан әйелі мен туыстары теріс айналған. Жазықсыз түрмеде отырғаны үшін төленген бір милион теңге өтемақыны ол азсынып отыр. Сондықтан темір торға екі жыл бойы телміртіп қойғандарды да өзі сияқты қаматқысы келеді.

Тарғын Ақбаев, Ақтөбе қаласының тұрғыны:

- Кезінде мені ұрып-соғып істемеген қылмысымды мойныма іліп салды. Құстанова деген судьяның өзі көзімен көріп тұрып, ақ пен қараны ажырата алмады. Ал Жоғарғы сотқа арызым ойламаған жерден жетті. Себебі ол жарты жолдан қалып қоятын. Енді толық әділдік орнау үшін мені қорлағандар жазасын алсын.


Яндекс.Метрика Mail.ru
Copyright © 2014 || Сайт идеясының авторы Ерболат Ерімбет
Сайтты өңдеу және қолдау www.yoline.kz